- Dawl bil-lejl
(Is-Sibt ) Illejla il-Grupp ta’ l-Evanġeliżżazzjoni se jorganiżżaw it-tieni attivita ta’ Dawl bil-Lejl fil-Knisja Parrokkjali. Il-Knisja terġa tiftaħ fl-10.00.pm. u tgħalaq fis-1.00.am. Dawk li jixtiequ, ikun ħawn nies imħarġa apposta biex jakkumpanjaw lil dak li jkun fit-talb quddiem Ġesu Espost.
- Dħul tal-Vara
(Il-Ħadd) Illum wara il-quddiesa tad 9.15.am. se tidħol l-Istatwa ta’ Sant’ Anna fin-niċċa. Din il-quddiesa se tkun talba ta’ ringrazzjament ta’ dak kollu li għamel magħna il-Mulej Alla matul din il-Festa ta’ Sant’ Anna. Nieħdu din l-okkażjoni biex nirringrazzjaw lil kull min ta’ is-sehem tiegħu biex ikollna Festa sabiħa li tixraq lil-Kommunita tagħna. Il-Quddiem jingħata ir-rendikont kollu tal-Festa.
- L-Ewwel Ġimgħa tax-Xahar
Nhar il-Ġimgħa hi l-Ewwel Ġimgħa tax-xahar. Wara il-Quddiesa tas-6.30.pm. ikun hawn nofs siegħa Adorazzjoni quddiem Ġesu Espost u nitolbu flimkien għal qdusija tal-Parroċċa. Se janimaw din l-Adorazzjoni il-Grupp Kariżmatiku tal-Parroċċa. Nitolbu lill-membri kollha tal-Kunsill Pastorali u l-operaturi pastorali tal-Parroċċa biex jattendu.
- Festa fil-Bajja ta’ San Tumas
Nhar is-Sibt li ġej se niċċelebraw il-Festa ta’ San Tumas fil-Bajja ta’ San Tumas. Il-Quddiesa tibda fis-7.00.pm. u wara ikun hemm program ta’ varjeta’.
- Magħmudija Kommunitarja
Nhar il-Ħadd li ġej se jkun hawn Magħmudija Kommunitarja fil-Quddiesa ta’ l-10.15.am.
- Attivitajiet Soċjali
Nhar l-Erbgħa se ssir il-Mawra għal Għawdex mill-Iskola Sajf. Nitilqu fis-7.30.am. u fid-9.00.am. ikollna il-Quddiesa fis-Santwarju ta’ Pinu. Wara waqfa fir-Rabat immorru Marsalforn u niġu lura mal-vapur tas-6.00.pm.. Din il-mawra hi miftuħa għal kull min irid jiġi magħna. Biljetti mingħand it-Teaċħers ta’ l-Iskola Sajf fis-Sala Parrokkjali.
